• PDF

رئيس بلدية عينطورا - المتن

انه السيد جورج عبدو موسى الحاج، احد ابناء عينطورا الابرار، يجمع ما بين العنفوان وعزة النفس والتواضع. عمل طوال حياته بكل جد ونشاط حتى ضاقت به مساحات العمل في الوطن فسافر الى بلاد افريقيا حيث عمل مع اخوانه بالجد والنشاط عينه، فأكرمه الله بالخير، وعاد الى الوطن حيث كون عائلة كريمة. وكغيره من مغتربي عينطورا، فكر اولاً بتزيين مدخل القرية ببناء قصر جميل لا بل ربما كان الاجمل في المنطقة كلها، تحيط به حديقة كبيرة غناء مغطاة بالعشب الاخضر والازهار والاشجار الجميلة، ترويها نوافير المياه. فأصبح محطة يتوقف عندها العابرون عن طريق عينطورا ليلتقطوا الصور وليعربوا عن اعجابهم بجمال وفخامة هذا البناء. نظر الى عينطورا فوجد انها بحاجة الى مستوصف يلبي حاجات الاهالي الطبية فباشر فوراً بالتعاون مع المغترب السيد موسى طنوس الحاج بشراء عقار بثلاثة طوابق داخل البلدة فرممه وفرشه وحوله الى مستوصف تابع لبلدية عينطورا بعد ان زوده بالادوية والتجهيزات والمعدات الطبية اللازمة، كما امّن الجهاز البشري الضروري لسير العمل فيه.

وايمانا منه ان الموسيقى تهذب النفس اخذ على عاتقه انشاء فرقة موسيقية من ابناء وبنات عينطورا ضمت حوالي خمسين عنصراً، تكفل بتعليمهم وتأمين كافة الادوات والالات الموسيقية وعملية انتقالهم من والى الكونسرفاتوار الوطني الكائن في منطقة بكفيا. وها هي هذه الفرقة تزين الاحتفالات بموسيقاها وتنظيمها.

لا تمر مناسبة في عينطورا الا ويكون له الباع الطويل في انجاحها، وما تقدمه يده اليمنى من مساعدات للعائلات المستورة ومن دعم لأي مشروع خيري يعود بالفائدة على عينطورا وابنائها، لا تعرف به يده اليسرى.

لقد وفر فرص عمل لعدد كبير من ابناء عينطورا في مكاتبه الكائنة في لبنان وفي افريقيا، وها هو اليوم يقوم وعلى نفقته الخاصة ببناء دار للبلدية لابل صرح كبير من اربعة طوابق تحتوي على صالة رياضية ومسرح ومنطقة متعددة الوظائف ومستوصف ومكاتب للبلدية وقاعاتي مؤتمرات وقاعة رئيسية وغرف متعددة الوظائف ومخازن، على قطعة ارض كان قد قدمها السيد جان خليل عازار للبلدية. لقد وضع السيد جورج الحاج نصب عينيه رفع هذه القرية الى مستوى القرى النموذجية الراقية، قبل وبعد فوزه بالانتخابات البلدية عام 2009 على رأس لائحة عينطورا الانمائية، وقد كان قد حضّر لهذه الانتخابات بأجتماعات عديدة مع كافة ابناء القرية ماداً يد التعاون وداعياً الجميع الى الالتفاف حول البلدية  من اجل مصلحة عينطورا اولاً واخراً. ولعل ما جاء في خطابه الشهير خير دليل على اهدافه وبرنامجه الانتخابي. ومنذ توليه لرئاسة البلدية يقوم بتنفيذ المشروع تلو الاخر بكل عزم واقدام واضعاً كل امكاناته المادية والمعنوية في سبيل انجاح عمل المجلس البلدي.

فكانت اولويات المجلس، المشاريع الاساسية من تمديدات مائية وكهربائية وصحية، فمشروع الصرف الصحي الذي انتظرته عينطورا طويلاً قد اصبح في خواتيمه، الى شق الطرقات الداخلية وتوسيع العديد من الموجود وانارتها واقامة ارصفة وحيطان دعم حجرية، الى مشروع الحدائق العامة وانشاء سبيل لمياه الشفة الى زرع الاشجار وتنظيف الطرقات والساحات العامة ونقل النفايات بأحدث الطرق المعتمدة في لبنان وتنظيم حركة المرور اثناء الزحمة في فصل الصيف الى رش الملح على الطرقات المجلدة وجرف الثلوج لتسهيل سير المواطنين، الى دعم مدرسة الراهبات كي تبقى ابوابها مفتوحة امام ابناء القرية، الى عقد المحاضرات العلمية والاجتماعية والثقافية والمساهمة الفعالة في مهرجانات القرية اثناء اعياد شفيعيها الى حلقات التدريب على الاشغال اليدوية والرسم والفنون وغيرها، الى ما هنالك من امور تقوم بها البلدية بايعاز من رئيسها وارشاداته.

كلمة رئيس بلدية عينطورا

السيد جورج عبدو موسي الحاج

في اللقاء الاول نحو مستقبل واعد لعينطورا

 

 أهلا وسهلا بكم جميعاً في بيتكم  بحب اشكركم اولاً على  تلبيتكم للدعوى وبيسعدني وجودكم معي اليوم وبيشرفني 

 حضوركم وبرحب  فيكم فرداً فرداً حبينا اليوم نلتقي فيكم  لحتى نحكي شوي عن الضيعة  بتعرفوا انو ضيعتنا بحاجة

 لاهتمام كتير كبير من قبلنا لحتى تصبح الضيعة المثالية يلي منحلم كلنا فيا مثل  كل الضيع في محيطنا وبلدنا بشكل عام

  مبادرة اللقاء فيكم اليوم اجت من أخوتي جوزف وجان ومني شخصياً، والهدف منها الاجتماع بالشباب مثل افضالكم اللي بتصور انو عندن هم النهوض بالضيعة  والاهتمام بمستقبلا، وكمان معالجة مشاكلا والتفكير بالطرق والوسائل اللي بتخولنا انو نوضع خطط وبرامج   عمل للوصول بالمستقبل الى الأهداف التي ذكرتا قبل  شوي وكل واحد منا الو دور وبيقدر يساعد حسب معطياتو وامكانياتو وبأكدلكن انو سعادة القنصل خيّي جوزف بيشاركنا نفس الهموم وبيتمنالنا النجاح بمسعانا لأنو همّ الضيعة الوحيد بكل تأكيد عايش معو بأفريقيا وبيتمنى انو يصير في نشاطات على كل الاصعدة في عينطورا وهو مستعد يساهم معنا وبيتمنالكم النجاح من كل قلبو

بدي ارجع لورا، لشهرين تقريباً، للانتخابات النيابية يلي حصلت. وبحب هني نفسي وهنيكم وهني كل اهل الضيعة من كل الاتجاهات لى الروح الديمقراطية والاحساس بالمسؤولية يلي تحليتوا فيا كلكن قبل الانتخابات وخلال وبعد الانتخابات، هيدا لازم ان يكون بالنسبة النا مدعاة فخر واعتزاز بأنو صار عنا وعي وقدرنا فوتنا فرص كثيرة على جماعات كانوا معلقين آمال على حصول مشاكل، ومعتقدين انو عينطورا بعدا الضيعة الضايعة في متاهات الخلافات والعصبية والجهل اذا امكن القول النجاح الكبير يلي حققناه بالانتخابات يا شباب هو الارادة والتصميم على تمرير مرحلة الانتخابات بخير وانا على بعتقد انو كل طرف في عينطورا بيعتبر حالو ربحً لأنو فعلاً شارك عملية التهدئة والوعي التي تحلّوا فيا أبنائنا خلال هالفترة، لأنو  ما بيقدر الانسان يعتبر حالو مرتاح وفرحان ومنتصر لما بيكون في بيتو وعند جارو بيضيعتو مشاكل

بحب اغتنم هالفرصة بالذات لحتى اطلب منكم انو نقدر نكفّي لعب هالدور الحضاري يلي ناطرينو منا كل أهل الضيعة دون استثناء وكل واحد منا عندو دور يلعبو بالمساهمة ببناء مستقبل ضيعتنا

حبينا نجتمع فيكم اليوم انتو يلي بتمثلوا جيلين بالضيعة جيل الشباب النشيط والمثقف والديناميكي، والجيل الاكبر سناً وصاحب التجربة والخبرة والحكمة يلي بدو يرافقنا ويوّجه خطواتنا

ها اللقاء اليوم هو الاول ومنتمنى انو يتبعو لقاءات أخرى وممكن يكون معنا اشخاص آخرين اذا بيحبو يشاركونا العمل، فمنطلب منكم الاتصال بالاصدقاء يلي عندن قدرة يخدمو ويضحو من وقتهم أحياناً ومن راحتهم لصالح العمل العام

كلنا منعرف انو ضيعتنا بحاجة لمشاريع كتيرة، اعمارية وبيئية وثقافية واجتماعية لحتى تنهض وهالامور لحتى تتحقق، هي بحاجة للتنظيم والعمل المشترك والتخطيط. يعني نحنا لازم نعتبر حالنا فريق عمل عندو النية ليشتغل ايدً بايد لتحقيق الغايات يلي من أجلا اجتمعنا، وكلكن بتعرفو انو الضيعة مؤلفة من عائلات ومجموعات ومكونات، وبطلب منكم انو يكون عندكن الاستعداد لمد اليد وفتح المجال لكل فرقاء الضيعة لحتّى نقدر نشتغل سواً على تحقيق هالأهداف

عادةً يا شباب، الجماعات المؤهلة للقيام بأعمال ونشاطات للمساهمة بتقدم الضيعة، هي مؤسسات رسمية وجمعيات خاصة. نحن لسؤ الحظ بتفتقر في عينطورا لهو لعنصرين وخاصة العنصر الاساسي يلي هو الجهة الرسمية اي البلدية

برنامج العمل اللي رح نطرحو بلقائنا، في عنا عدة نشاطات بحاجة لالها ضيعتنا والناس ناطرين بفارغ الصبر مين يحققلن هالاحلام لحتى يقدرو يتخطو المشاكل اللي بتعترضن دون قلق مادي ومعنوي ومنتأمل انو كل المشاريع تتم بالتعاون متل ما قلت مع أهل الضيعة وكل الافرقاء. وهالشي بيتحقق وبينجح أكثر لما بيكون في عنا مؤسسة منشارك فيا كلنا وجامعتنا بهدف البحث بشؤون الضيعة. وهالمؤسسة الشرعية والطبيعية هي البلدية

 

الاستحقاق البلدي بالنسبة لألنا لازم يكون الو أولويات في اهتمامنا ونشاطاتنا اليومية لحتى نقدرنأّمن لضيعتنا أرضية ثابتة وصالحة لقيام بلدية تقدر ترضي طموح كل اهل الضيعة وتبعد عنن شبح الشؤم اللي مخيم علينا من فترة طويلة بييحقلن أهل الضيعة يحلموا بضيعة نموذجية تحمل طموحات وأفكار أبنائها، وبعتقد انو متوافرة عنا كل الشروط لحتى نوصل لهل المستوى

صيت الضيعة بالخارج حلو بأنو عينطورا بلدة بتحتوي على رجالات مثقفة ونشيطة وفيها كمان امكانيات مادية بتسمحلا تكون من أهم الضيع طالما هالمعطيات متوافرة، برأيي حان الوقت انو ننتقل للعمل الجدي والملتزم ونحط نصب أعيننا النهوض بضيعتنا الى أعلى المستويات

لازم نرجع شوي لورا، لزمن البلدية المنحلة مش لحتى  نتذكر الاشياء السيئة ونستعيد الماضي يللي بأكدلكن انو ما في حدا بالضيعة راضي عنو واللي وصّل لأنحلال البلدية واصبح يللي بحاجة لمعاملة ينطر لحتى القائم مقام يهتم فيا. بس لازم نتذكر الماضي لحتى ناخد منو عبر ونتعلم عدم الوقوع بالاخطاء نفسها لحتى نقدر نخلق بلدية تصمد بوجه الهزات والخلافات

بدنا يكون عنا بالضيعة بلدية تعكس تطلعات ابنائها وتقلب كل المقاييس وتكون مؤلفة من جماعات حابين يشتغلو للمصلحة العليا للضيعة

الهدف الحقيقي يلي لازم يتحكم بتصرفات يلي حابين يشتغلو ببلدية المستقبل  لازم يكون حب الضيعة والمصلحة العليا لأبنائ عينطورا. ما بدنا تزّلم ولا بدنا استزلام الا مصلحة الضيعة كفانا تضييع وقت، كفانا ينظرولنا الناس نظرة ناس ضعاف ما عندن قدرة يقررو مصيرن بنفسن

بدنا بلدية ترجّع الثقة للناس بدنا بلدية تقدر تساعد بالاضافة لكل المشاريع اللي الضيعة بحلجة لالها تساعد علىوجود حلول لازالة التشنج الموجود، لازالة الحقد يلي بعدو قاعد بصدور عدد كبير من ابناء الضيعة بدنا  ناس بالبلدية يقدروا يعملو مصالحة حقيقية ويزيلو الحواجز اللي بعدها موجودي بين اهل الضيعة. بدنا ابن الحاج يحكي مع كل اهل الحاج وكل اهل عازار. بدنا ابن عازار ن ينفتح على كل اهل عازار وكل اهل الحاج، ما بقا بدنا ناس تخطط لتفشيل قيام تعاون حقيقي بين أبناء الضيعة الواحدة وتكون مرتبطة بناس هدفا الوحيد هو تقويم الكلام وتنفيذ احلام قديمة ما بتوصل الا الى التخلف والتراجع والتقسيم

هالبلدية يلي بنحلم فيا لازم يشاركو فيها كل اهل الضيعة المحبين لضيعتهم. لازم تكون ايدينا ممدودة لكل انسان بيحب مصلحة الضيعة ولازم نكون منفتحين على الجميع دون استثناء، والتاريخ وحده رح بيذكر شو اشتغل كل انسان التعاون ضروري وواجب بين كل ابناء الضيعة لحتى نوصل الى لهدفنا المنشود وايد واحدة ما بتزقف واذا بنلقي نظرة على مأساة بلدنا بيتهيألنا انو بالنهاية من دون المصالحة والمشاركة بالحكم ما فينا ننقذ لبنان وهيك لازم ان ننقذ ضيعتنا لانو فعلا ضيعتنا في ورطة  وبحاجة  لمين يخلص هؤلاء الشباب من حالة الضياع اللي عايشين فيها

بحب اعلمكم بانو رح نعّين لجنة مصغرة تمثل كل الجباب في العيلة لحتى تتابع النشاطات والاتصالات وتطلعنا عليها عند الحاجة أي اللجنة الموسعة على كل الامور المستجدة لحتى سوا نقدر نقرر ونتقدم بالخطوات

في النهاية

بدي اشكركم كتيرً على حضوركم وبدي اتمنالكم النجاح الدائم بكل أعمالكم اللي بتهدف لخدمة الضيعة

رح نبقى على اتصال لمتابعة اللقاءات والمشاورات والله يكون معنا جميعاً

جورج عبدو موسى الحاج

عينطورا المتن

في 4/8/2009

انشطة

No events
You are here: البلدية رئيس البلدية